بعد ما إدى و بعد ما خد

بعد ما هد و بنى و إحتد

شد لحاف الشتا م البرد

بعد ما لف و بعد ما دار

بعد ما هدا و بعد ما ثار

بعد ما داب و اشتاق و إحتار

حط الدبلة و حط الساعة

حط سجايره و الولاعة

علق حلمه على الشماعة

شد لحاف الشتا على جسمه

دحرج حلمه و همه و إسمه

دارى عيون عايزين يبتسموا

اللى قضى العمر هزار

و اللى قضى العمر بجد

شد لحاف الشتا م البرد

حط الدبلة و حط الساعة

حط سجايره و الولاعة

علق حلمه على الشماعة

بعد ما إدى و بعد ما خد

بعد ما هد و بنى و إحتد

شد لحاف الشتا م البرد

محمد منير

ليلى مراد فيروز أم كلثوم شادية سعاد حسنى

عبد الوهاب عبد الحليم عبد المطلب محمد قنديل

موسيقى رسم فن و أبداع

جو نقى شوارع نظيفة دنيا هادية

بساطة و ناس طيبة

نخوة رجولة و شجاعة

ذوق أدب و أخلاق

حياء صفاء و رضا

أمان و حنية و دفا

وقت و راحة بال

أحلام بتحقق

أمانى و وعود بتتصدق

هوة دة زمان

ليه زمان كان أحلى كتير قوى... دلوقتى عرفت!

صديقاتى و أصدقائى البلوجرز الأعزاء

تحياتى لكم جميعا و شكرا على سؤالكم و أهتمامكم المتواصل

معلش لسة برتب أوراقى الى واخدها منى العمل و طاحونة الحياة

طبعا معاكوا دائما

أدعوا لى

و الى لقاء و كتابات قريبة ان شاء الله

dear friends and blogger

Still needing sometime to arrange my papers

Best regards and will be back soon inshaa Allah

الدنيا ربيع :)

الدنيا ربيع و الجو بديع قفلى على كل المواضيع قفل قفل قفل

أيوة بجد قفل تعالوا نتفائل شوية

بلاش كانى و مانى

دة الدنيا ربيع

الدنيا ربيع الدنيا ربيع :)

مغلق .....طب ليه؟

لاحظت فى الفترة الأخيرة أن فى شوطة و جت فى المدونين( سورى فى اللفظ) لغلق مدوناتهم و بصراحة مش فاهمة لية!!!
بجد ناس كتير مدوناتهم جميلة و بسيطة و كل حد فيهم يقول أنا مش فارق/ة أدون أو لأ و مش أنا الى سأحدث تغيير....الخ
فكرت شوية و سألت نفسى هما ايه الى دفعهم لكدة و بصراحة لم أجد إجابة محددة و مقنعة
هل هو بريق شدهم للتدوين و لعالم جديد و راح خلاص؟
هل هو هدف محدد و تغير تصوروا أنهم سيحدثونة و فشلوا؟
هل حدث لهم مضايقات معينة بشكل أو بأخر؟
هل هو يأس أو زهأ و ملل دخل حياتهم عامة و بالتالى أنعكس على المدونة بالمرة؟
أفكار و تخمينات عدة جت على بالى ووجدت سؤال " لماذا ندون؟" يلح و بشدة على رأسى!

يعنى بصراحة نفسى أعرف لية الناس دية قررت أبيض أو أسود؟ يعنى يا إما كتابة متدفقة أو إغلاق تام للتدوين؟
يعنى من وجهة نظرى البسيطة جدا ( الى ممكن تكون صح أو غلط) التدوين نوع من الفضفضة أو نوع من المشاركة مع الأخرين سواء بأفكار بسيطة أو بأعمال أدبية أو فنية يعنى تدرجا من الناس المبدعة للناس البسيطة التى تعبر عما داخلها و خلاص!
و فى جميع الأحوال محدش مطالب أنة يشارك و يفضفض أو يبدع على طول
يعنى ممكن أيام يتدفق و يحدث سيل من الإبداع و ممكن أيام تانية مفيش أى حاجة غير صمت رهيب! أيه المشكلة فى كدة ؟
ليه قرارات ثوريه بإغالاق البلوج و مش عارف أيه؟
فى الأخر مفيش إلتزام بمواعيد و مفيش قيد الموضوع كلة إختيارى و نابع من النفس و أعتقد أن دة سبب أن التدوين جذاب جدا خاصة أنة مرتبط بعالم من الخيال !
يعنى أحب طبعا أعرف أراءكم قبل ما أقرر أبيع الدكان و أشوف جيران يبقوا على الجيرة و العشرة أكتر من كدة شوية لأن الجار للجار
ولا أية؟؟

أمي يا ملاكي

أمي يا ملاكي يا حبي الباقي الى الأبد

و لا تزل يداك أرجوحتي و لا أزل ولد

يرنو إلى شهر و ينطوي ربيع

أمي و أنت زهر في عطره أضيع

و إذ أقول أمي أفتن بي أطير

يرف فوق همي جناح عندليب

أمي يا نبض قلبي نداي إن وجعت

و قبلتي و حبي أمي إن ولعت

عيناكِ ما عيناكِ أجمل ما كوكب في الجَلَد

أمي يا ملاكي يا حبي الباقي إلى الأبد

أمي يا ملاكي - الأخوين رحباني

%%%%%%%%%%%%

دمتى يا أمى فى حياتى ست الناس

حنين

Longing

مفترق طرق
لكن... كيف أختار
طريقى لأكمل المشوار
و الحيرة ترافقنى فى كل مسار
فأمست الدنيا متاهة و أسرار
جرفتنى لأدور فى دوامة الأنتظار
و كأن حرفتى هى الإنتظار
لكنى طالما كرهت الإنتظار
فمزقت عصبة عينى و فلُت من المدار
قررت المضى الذهاب و الأختيار
وما الحياة إلا أختبار
إما أنهزام أو أنتصار

المصـري (الى كاان) الله علية

المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك
**********
المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه
**********
المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف

(منقول)

**********
أشتقنالك يا مصرى
طال غيابك يا مصرى

براءة..طفولة
ضحكات رنانة و بساطة
سعادة..بل قمة السعادة
الكثير من الأصدقاء
ومعلمين شرفاء
أمان حنان دفء و عطاء
ذكريات جميلة حلوة لا يصفها سوى النقاء

_____________

ذكريات تدثرنى فى ذروة برد الشتاء
كشروق شمس فى السماء
فبالدفء تغمرنى لأجد قلبى يحضننى
مبتسما و يأخذنى
فى رحلة الى الوراء
إلى عالمى الملئ بالأحباء

حين كناأطفال أبرياء

تملأ ضحكاتنا الدنيا أصداء

فى مروج خضراء لعبنا

أو حتى فى العراء

فى عيوننا الأرض جنة

جنة غناء

لم تُعرف فيها كلمة عداء

و لم يعرف فيها معنى للشقاء
فقط ضياء وأيادى بيضاء
فأنهل و أنهل من نبع العطاء
و أملأ قلبىبالأمل و الرجاء ..
لكن سرعان ما أسمع ضوضاء
أأنتهت الرحلة؟! إنة النداء

فيملأنى الإستياء

وبشدة أرغب فى البكاء..
هل تُترك الضياء للرجوع للظلماء؟
فيعلو و يعلو صوت النداء
فأترك عالمى مبتسمة

على وعد بلقاء

الدور الدور و جالى التاج و عليا الدور

بعد ما دايما كنت بقول أن ربنا ستار حليم و الحمد لله أن عمرى ما رشحت للتاج و ماشية جنب الحيط أال أيه بناء على ترشيح أخويا المراكبى و تحت التهديد من

(zordeak )

أمتثلت للأمر الواقع و قررت أفصح عن نفسى ماهى أصلها عدوة و أنتشرت فى البلوجات و منين أروح ألاقى فضايح يمين و شمال يلا بأه .....
الأول :
اية اللي حيحصل لايميلك لما تموت؟
أية دة أنتو بتفولوا عليا كمان!!! بعد الشرررررر( مش بجد كان ليا حق مردش)
طبعا حيموت معايا
ممكن أبقى أكتب فى الوصية أن حد من أصحابى يبعت فورورد أخير من الأيمايل لكل الناس الى تعرفنى أنى أنتقلت للرفيق الأعلى بتهيألى حيزعلوا عليا فيمكن يدعولى بالرحمة و المغفرة

.اديت الباس وورد لحد قبل كده؟
لأ لأنى بعشق حاجة أسمها الخصوصية يعنى أحب يبقالى مساحة خاصة بتاعتى لوحدى

.لو اه كانت طبيعة علاقتك بيه
لأ ما قلنا لأ دة اية اللزقة ديه! بس زى ما قلت فى الوصية بأه.
.
اسمك؟
أسمى هبة ولا اهوى التدبير المنزلى

.اسم الدلع المشهور وسط اصحابك؟

لا أحنا متفقناش على كدة! كدة أخدت عليا أوى!.
كل حد من صحابى بيندهلى بأسم مختلف فبحبهم كلهم يعنى زى هوبى و هبهوبة و هوبتى و

hebaz
الى أنا بمضى بيه هنا بحبة علشان مختلف كدة
.
عمرك؟
بأة فى حد يسأل بنت عمرها كام! مش يقول أخدت عليا أوى!
يلا أنا لسة فى الساف سيد
عندى ربع قرن من الزمان :) و نص
على الرغم أنى أشعر أن عندى 100 سنة و أحيانا 15 سنة
( عروستى )
.برجك؟
السرطان
يعنى الرقة ( الأميرة ديانا ) يعنى العزيمة الجبارة ( نيلسون مانديلا )يعنى الفن كلة (شوبان) و (رامبرانت) شفتوا بأة

مجال دراستك؟
شيل الهم بدرى قصدى الهندسة ربنا ميجبلكوش حاجة وحشة

.شخصيتك نوعها ايه؟
يادى الأسئلة العجيبة أكيد الناس هية ألى توصف شخصيتى مش أنا
بس على العموم أنا جد و دوغرى زيادة و دة من أسباب معاناتى فى الحياة و بحب البساطة
على رأى الست الوالدة فاتحاها شئون أجتماعية و شايلة هم الناس كلهاو بحب الناس مووووت
.السفر بالنسبة لك؟
السفر جميل بشوف فية عالم أخر و ناس تانية و ثقافات و طريقة تفكير و أكيد ضافلى حاجات كتير بس أنا بعانى من موضوع ال
Home sickness
بشكل رهيب

المود بتاعك؟
متغير جدا

.وقت فراغك بتعمل فيه ايه؟
أصحابى .قراءة. نت . سينما.

الاكلة المفضلة؟
مش عارفة أيه مزاجى فى حب أى حاجة بتتخن! بس أهو بلم الدور بأة
بس طبعا بموت فى الملوخيه ممممم
و كمان محشى الكرنب من أعز أعز أصدقائى

.الصفات اللي خدتها من بابا؟
أنى متكلمة و أجتماعية و حب الدراسة و القراءةو التفتح فى العقلية و أن القرب من الله و مراعاتة من الأساسيات و الحنية طبعا.الصفات اللي خدتها من ماما؟
الصراحة الزايدة و أنى بيبان عليا كل حاجةوالدمعة القريبة فى الحزن و الفرح(دايما بقول أعز النكد زى عنية ) و أكيد الحنان و حب الفنون و الرسم
.اكتر 6 حاجات بتكرهها؟
الظلم
الخبث و اللؤم
اللف و الدوران و النفاق
الأنانية و القسوة
.اكتر 6 حاجات بتحبها؟
القراءة
الصدق و الصراحة
الضحك من القلب
لما أحس أن ربنا راضى عنى
النقاشات الى فيها تشغيل دماغ

الشغل بالنسة لك؟
إثبات ذات و إستقلالية و أحلى إحساس لما بحس أنى مفيدة و بعمل عمل مفيد و له لازمة و حيعمل فارق يا سلام بأة لو كمان حيفيد ناس تانية
ايه الكمبيوتر والانترنت بالنسبة لك؟
ممكن نقول إدمان
نافذة على العالم
كمان انا شغلى معتمد 90% على الكومبيوتر فيا أهلا بأمراض الظهر و العظام و العيون

الثانى:

الخمس حاجات اللي ماحدش يعرفها عنى هى:

حتفضل محدش يعرفها هىهى محدش لية دعوة بأة كفاية فضايح لحد كدة و منجيلكوش فى حاجة وحشة :)

أخذت تدقق فى وجهة و تتفحص ملامحة التى طالما أحبتها بعينين تأجج فيها خليط من الحزن و الدهشة و التساؤل
فلقد مضت الشهور و باعدت بينها و بين ذكراه و أدركت أن عقلها و قلبها كلاهما نسياه و كانت نظراتها له كأنها أبدا لم تلقاه كأنة اتى من ذكرى و زمن بعيد
"ياة" صاحت داخلها مندهشة و متسائلة لماذا أتى إليها ؟ لماذا لها بالذات و بعد كل ما فات بعد ما تعلمت منة معانى التخلى و الخنوع و الخضوع و الأهات تمتمت لنفسها " انسان أنانى ملىء فقط بحب الذات "
و تضاعفت التساؤولات بداخلها فهتفت تسأله بنبرة تملؤها الدهشة " خيرا يا أحمد لماذا أتيت ؟ " و أكملت عينيها قائلة " ألم يكفى ما فات ؟ "
نظر إليها كالطفل المذنب الذى جاء الى أمة راجيا رضاها
نظرت إليه ثانيةً فقد علمت من بعض المعارف المشتركين أنة تزوج من فتاة فى منتهى الجمال و الرقة
و قالت له " ألم تتزوج من فتاه جميلة جداً أختارها لك والدك و راضى عنها تمام الرضا؟"
و يرى فيها أنها أحسن شريكه لك و أنت قبلت على الرغم من ظروف عملك و دراساتك التى دائما ما زعمت أنها تقف حائل بينك و بين أرتباطك ؟ حتى أنك تزوجت قبل أنتهاء فترة خدمتك العسكرية
يعنى ضربت بكل العوائق بعرض الحائط!
نظر إليها بعينين تملئهما تعاسة الدنيا بعينين مظلمة فقدت كل البريق قائلاً " لكنى لست سعيداً يا نهى "
قالها بصدق رهيب وجع قلبها و ألم نفسها ....
فتحت عينيها و أستهلت صباحها بسيل من الدهشة و التساؤل فعدلت من جلستها و سألت نفسها " لماذا أراه الان فى المنامأبعد كل هذة الأيام؟أهو تعيس لهذة الدرجة أم هى مجرد أضغاث أحلام؟"
تذكرت جدولها المشحون بالأعمال لكن بقت معها تعاستة و نظرتةوحتى أنها كادت تنسى أنه حلم أحست بالشفقة تجاهة!
أندهشت لأحساسها هل يمكن أن يتحول الحب إلى غضب و ضيق و أحيانا إلى كرة ثم ليصبح شفقة فى النهاية!
هتف عقلها مؤكداً بالإيجاب فنحن نشفق كثيراً على الضعفاء . حاولت تتحاشى تسلسل أفكارها و أن تنشغل بأعمالها
و نجحت فى النسيان حتى حان موعد الرحيل من العمل ...ودعت زملاءها و توجهت لسيارتها و أخذت تتمتم متأففة من الزحام المعتاد و الإشارات وعادت الأفكار...أستوقفتها الإشارة الحمراء و أختلطت أفكارها بزحام الطريق و ألتفتت الى الجهة اليسرى الى السيارة المجاورة حيث أبتسمت لها طفلة جميلة فأبتسمت نهى لها و أخذت تداعبها و من الجهة الأخرى كانت هناك عينان تعيسة تراقب نهى لأنها أدركت ما أضاعت إلى الأبد.

ب1428 وردة ندية بالمسك مروية

أهديها بحلول السنة الهجرية

كل سنة و المسلمين و الناس كلها بخير يا رب و بهذة المناسبة السعيدة وددت مشاركتكم ببعض المعلومات عن السنة الهجرية

مبدئياَ أول من شرعها و عمل بها هو سيدنا عمر بن الخطاب رضى الله عنة بعد حوالى عام من بدأ خلافتة على المسلمين أى بعد حوالى 13 سنة من الهجرة

أيضاٌ من المعلومات التى وجدت أنها يجب الوقوف عندها هو أن الهجرة لم تكن فى شهر محرم ( أول شهور السنة الهجرية) لكنها كانت فى ربيع الأول لكن سيدنا عمر لحكمتة أختار أن يبدأ السنة الهجرية بشهر محرم و هو الشهر التالى مباشرة لشهر ذو الحجة ( شهر الحج) حتى يكون الناس عادوا من مؤتمر الحج و حتى يبتدى الناس عام جديد و هم مغفور لهم بعد الحج و بعد موسم المغفرة حتى تكون بداية جديدة و سنة جديدة. و ها هى معانى أسماء الأشهر الهجرية و أسباب تسميتها ؛

محرم

سُمِّيَ بذلك لأن العرب قبل الإسلام حرموا القتال فيه

صفر

سمي بذلك لأن ديار العرب كانت تَصْفَر أي تخلو من أهلها، لخروجهم فيه ليقتاتوا ويبحثوا عن الطعام ويسافروا هربا من حر الصيف

ربيع الأول

سمي بذلك لأن تسميته جاءت في الربيع فلزمه ذلك الاسم

ربيع الآخِر

سمي بذلك لأن تسميته جاءت في الربيع أيضا فلزمه ذلك الاسم، ويقال فيه "ربيع الآخِر" ولا يقال "ربيع الثاني"؛ لأن الثاني تُوحي بوجود ثالث، بينما يوجد ربيعان فقط

جُمادى الأولى

سمي بذلك لأن تسميته جاءت في الشتاء حيث يتجمد الماء؛ فلزمه ذلك الاسم.

جمادى الآخِر

سمي بذلك لأن تسميته جاءت في الشتاء أيضًا؛ فلزمه ذلك الاسم. ويقال فيه "جمادى الآخِرة" ولا يقال "جمادى الثانية"؛ لأن الثانية توحي بوجود ثالثة، بينما يوجد جُماديان فقط

رجب

سمي بذلك لأن العرب كانوا يعظمونه بترك القتال فيه، يقال رجب الشيءَ أي هابه وعظمه

شعبان

سمي بذلك لأن العرب كانت تتشعب فيه (أي تتفرق)؛ للحرب والإغارات بعد قعودهم في شهر رجب

رمضان

سمي بذلك اشتقاقا من الرمضاء، حيث كانت الفترة التي سمي فيها شديدة الحر، يقال: رمضت الحجارة.. إذا سخنت بتأثير الشمس

شوال

سُمّي بذلك لأنه تسمى في فترة تشوَّلت فيها ألبان الإبل نقصت وجف لبنها

ذو القعدة

سمي بذلك لأن العرب كانت تقعد فيه عن القتال على اعتباره من الأشهر الحرم

ذو الحجة

سمي بذلك لأن العرب عرفت الحج في هذا الشهر

لخبطة و عايشة فيها يجى من عام
فى لخبطة .. و مخطيتش خطوة لأودام
تايهة ..ضايعة.. كريشة طايرة فى الزحام
أخرتها أيه؟ ضياع؟ أستسلام؟
لأة..... أوعى
عمرك ما كنتى مع الإنهزام
قومى .. فوقى ..حسى
جُرٍى رجلك لأودام
أيوة جُرٍى ..أيوة يلا ..كمان
صعبة؟ عارفة...
أيوه صعبة أوى كمان
لكن مش مستحيلة
مش مستحيلة ابداًعلى صلابة الانسان
انسان عايز يدى كمان و كمان
انسان عندة رسالة و رؤية و حنان
حنان ينَسٍى كل قسوة و حرمان
و رؤية بكل تجربة توضح و تبان
و رسالة أكيد حتكمل لما يئون الأوان

من ملك عقلى فقد ملك قلبى
لكن أين العقول و أين القلوب؟
لا عقول و لا قلوب
فقط دخان و سراب
المعالم غير واضحة
الصور ليه مهتزة؟
لا أصول و لا جذور
فقط نبت الشيطان
أين عقلك يا انسان؟
أين قلبك يا انسان؟
و فقدت الفطرة كمااان!
ليه يا انسان؟
أسألك تبصلى باستغراب و استهجان
كأنى من زمان غير الزمان..كأنى مش من نفس المكان
لكنى أسكت و تقول لى نفسى
صحيح الانسان من النسيان

.

.

.

لكنى لن أنسى أن

!من ملك عقلى فقد ملك قلبى