زهرة نيسان

الأول أحب أقول للجميع كل سنة و أنتم طيبيين حيث تكاثرت الأعياد و تجمعت فى فترة واحدة

يا رب تكتر أعيادنا و أفراحنا و طبعا كعادتنا فى مصر تكثر المناسبات السعيدة و الأفراح مع حلول الأعياد ( مبروك للجميع) و كالعادة طبعا على حظى لازم يبعى عندى أفراح بالزوفة مرة واحدة يعنى بلاقى عندى فرحين أو ثلاثة فى أ سبوع واحد و حاجات عجيبة كدة

ربنا يزيد و يبارك المهم ناهيكم عن أحساسى بالأرهاق من السوارية و الدى جى و الصداع الناتج عنة ده غير أشفاقى الرهيب على العريس و العروسة ألى بينهكوا يا عينى و بيتبهدلوا من كثرة الرقص ( مجبرين ) و ألا الدى جى يأفش و الفرح يبقى مش روش!

طول عمرى بتخيل يومالزفاف ده هو اليوم الى البنت بتبقى بجد فيه أميرة الزمان و المكان , بتكون سندريلا فى حفلة لقاءها بأميرها و العريس يبقى بجد أميرها أو فارسها بجد يعنى المفروض كدة حالة سحرية أبعد ما يكون عن الضوضاء و الإزعاج و الإشفاق و العرق المصبب الى بيشر يا حرام منهم بدلا من أوراق الورود

يلا ححاول أفكر فى فكرة لما أجى أتجوز بأه و يارب أبقى كزهرة نيسان:)

المهم علشان مسرحش منكم

كنت رايحة فرح من يومين كدة و دخلت من البوابة المشغولة حيث الطريق المؤدى للمبنى حيث قاعات الفرح

كانت المسافة طويلة نسبياو الجو فية لسعة برودة و السماء صافية يضيئها هلال ذو الحجة و الجو يبعث الرهبة و أذ بى أفاجأ بأصوات موسيقى تعلو فى المكان كموسيقى السيمفونيات و إذ بى أجد إضاءات جميلة تلف المكان بالون الأبيض و الأزرق ( ألوانى المفضلة )

و أجد سيارة ليموزين فارهة و صوت ماجدة الرومى تنشد فى أغنية من أحلا أغانيها لم أسمعها من قبل لكن أكيد ميزت صوتها و بدأت أشعر بضربات قلبى تتسارع و أن أمشى وحدى فى أتجاه الإضاءة و الغناء يزداد أقترابا و بدأت الدموع تتسارع فى عينى من الرهبة و حسيت بأد أيه أد أيه الموقف فيه رهبة و حسيت بأد أيه لحظة العرس لكل بنت جميلة و مليئة بالرهبة و السعادة و التطلع لبكرة و فى نفس الوقت شريط حياتك بيعدى قدام عينيكى و شايفاة فى وجوه الى حواليكى

و طبعا تدق النواقيس أعلانا بتحمل المسئولية و تسليم الراية لأسرة أخرى سوف تشق طريقها فى الحياة :)

طلى بالأبيض طلى يا زهرة نيسان

طلى يا حلوة و هلى بهالوش الريان :)

و أميرك ماسك ايديكى

و قلوب الكل حواليكى

و الحب يشتى عليكى ورد و

و أخيرا تحياتى لماجدة الرومى و لكل أم بتكبر و بتربى و بتحب و بتدى دون مقابل

أمى ربنا يخليكى ليا

http://http://www.arabicmusic.ws/majeda_el_roumi.htm

نشيد الزفاف "